منى ذكى أول ماشوفته أحمد قلت علية رخم وبعدها مبقيتش أقدر أعيش من غيره

بداية قصة حب منى ذكى واحمد حلمى"النجمة منى زكى" تتحدث للنجمة إسعاد يونس؛ فى برنامج صاحبة السعادة، المذاع على قناة Dmc.

تحدثت منى زكى خلال الحلقة عن قصة الحب، التى جمعتها بزوجها الفنان أحمد حلمى

بداية معرفتى بأحمد

قالت منى ذكى : كنت في مرة في مكتب المنتج محمد فوزى، وكنا هنعمل مسرحية بطولة النجم الراحل عامر منيب، وقالى ان في دور عنده بيفكر يجيب فيه أحمد حلمى وكان وقتها بيعمل برنامج لعب عيال وكنت بتابع البرنامج ده بس مكنتش عارفة وشه لأنه بيظهر بضهره".

وقالت النجمة منى زكى: للمنتج محمد فوزى يا ريت ده حد لذيذ أوى وأنا بينى وبين نفسى عاوزة أشوف وشه، ولما جه المكتب سلم بطريقة غريبة كده وبعدين جاله تليفون وأنا ومحمد فوزى دخلنا البلكونة بنتكلم وقلتله لا ده طلع رخم أوى ومش لذيذ زى البرنامج، وقلتله جربه أنا مش عارفة، ووقتها كنت بقول عليه انه رخم اوى فى الحقيقة.

بداية الحكاية

قالت منى ذكى"بدأنا بروفات وبدأت أشوفه لذيذ، وهو تقريبا حس انى هامشى من المسرحية وكنت فعلا وقتها هاعتذر، وقال ناخد أرقام بعض، وبقينا بنتكلم في التليفون وبقينا أصحاب جدا وعرفته كمان على أصدقائى المقربين.

واستكملت منى ذكى هو حاول كتير يلفت نظرى في أكتر من موقف ولكن أنا ولا أي حاجة، بتتهز جوايا.

يمكن لأن حب والدى الكبير واهتمامه بيا والعطاء اللى عمله ليا خلانى مش أي حركة شاب يعملها أنه تأثر فيا لأنى واخدة حب كبير قوى من والدى".

18 نوفمبر يوم مشترك

أضافت منى زكى: "في مرة سألنى عيد ميلادى امتى وقولتله ليه، قالى عادى فقلتله التاريخ، فقالى ايه ده وأنا كمان نفس يوم 18 نوفمبر، وأنا بينى وبين نفسى بقول ايه الجو لقديم ده، مكنتش مصدقاه، بس طلع صادق فعلا وطلع نفس يوم ميلادى، وقالى بحبك، وسيبته وروحت مع أصحابى، ولما سافرت فضل الموضوع في بالى وشاغل تفكيرى.

قالت؛ منى زكى: "بدأت أراجع صفات كتير في أحمد حلمى" ولقيت عنده نبل وعمرى ما شفت فنان بالشكل ده عنده رقى وطيبة في التعامل مش عادى وعنده تسامح يفوق أى حد قابلته، فشوفت إنه شخص جميل جدا من جوا ومثقف جدا ومتفتح ومهذب ، لقيت نفسى بعد كده مش هقدر أعيش من غيره، وكل لما نتكلم أكتر برتبط به أكتر، وبدأت حاجات تنمو جوايا تجاهه.

اهتمامة كان جميل خلانى احبة اكتر

وتذكرت الفنانة منى زكي موقف فعله أحمد حلمي من أجلها كي يتقرب لها حيث سقط منها هاتفها المحمول أثناء سيرها بسيارتها و«داست» عليه سيارة ملاكي أخرى، وحزنت على ضياعه جدا لتفاجأ بعدها بالنجم أحمد حلمي يحضر لها هاتفها وهو سليم تمامًا، وطبعا فرحت به جدا.

أقراء أيضا