حادث شرم الشيخ خرجوا بالأحلام وعادو فى الأكفان17 حالة وفاة
17 قصة وحكاية
كتب..مغاورى عبد الله
أب راجع فرحان لأولاده وجايبلهم لعبة
أم راجعة مع أولادها الـ 3عشان تزور أهلها الـ4 يموتوا ف حضن بعض
أحلام تلطخت بالدماء
زوج منتظراه زوجته وابنهم الصغير
واللي متعرفش إن زوجها مات وهو جاي من شرم الشيخ زي ما اخوها مات من فترة بنفس الطريقة
شاب أبوه مات امبارح وجاي ياخد عزاه
تستقبله البلد وهو ميت
فاجعة مابعدها فاجعة
17 قصة
17 شخص ركبوا وهم فرحانين مبسوطين طايرين من الفرحة عشان راجعين بلدهم
يلا يا اسطى عشان الحق ازور كل حبايبي
سوق ع بلدي المحبوبة بسرعة
مشوا
وسافروا
وبدأت الرحلة
راجعين لبيوتهم
لأهلهم
لكنهم ماكانوش يعرفوا إن ف الطريق مخبيلهم القدر قصة تانية غير اللي رسموها لنفسهم
مكانوش يعرفوا أن الميكروباص هيبقى حتة صفيح
مكانوش يعرفوا إنهم هيرجعوا لقبورهم
ويوجعوا قلوبنا
ويسيبوا لمركز بني مزار والمنيا كلها
حزن وجرح كبير بعد فراقهم
ربنا يصبر قلوبنا وقلوب كل واحد له فقيد ف حادث #شرم_الشيخ
إرسال تعليق